New Rules From 1 December 2024: 1 डिसेंबर 2024 पासून भारतात विविध नियमांमध्ये बदल होणार असून, याचा थेट परिणाम तुमच्या आर्थिक व्यवहारांवर आणि दैनंदिन जीवनावर होणार आहे. घरगुती गॅस, क्रेडिट कार्ड नियम, बँक सुट्ट्या आणि टेलिकॉम क्षेत्राशी संबंधित नियमांमध्ये मोठे बदल झालेले दिसणार आहेत. जाणून घ्या या महत्त्वाच्या बदलांबद्दल.
- एलपीजी सिलेंडर आणि पेट्रोल-डिझेलच्या किमती वाढण्याची शक्यता
LPG Cylinder Price Hike: गॅस सिलेंडरच्या किमतीत दर महिन्याला बदल होत असतो. डिसेंबरमध्ये आंतरराष्ट्रीय क्रूड ऑईलच्या किमती वाढल्यास एलपीजी सिलेंडर आणि पेट्रोल-डिझेलच्या किमतीत वाढ होण्याची शक्यता आहे. रशिया-युक्रेन संघर्षामुळे आंतरराष्ट्रीय बाजारात कच्च्या तेलाच्या दरात वाढ होऊ शकते, ज्याचा परिणाम भारतीय बाजारावर होईल.
- SBI क्रेडिट कार्डच्या नियमांमध्ये बदल
SBI Credit Card New Rules: जर तुम्ही SBI च्या क्रेडिट कार्डचा वापर डिजिटल गेमिंग मर्चंट्ससाठी करत असाल, तर 1 डिसेंबर 2024 पासून या व्यवहारांवर रिवॉर्ड पॉइंट्स मिळणार नाहीत. यामुळे क्रेडिट कार्डधारकांनी आपल्या खर्चांचे नियोजन पुन्हा तपासून पहावे.
- ट्रेसेबिलिटी नियम लागू होणार
TRAI Traceability Rules: फिशिंग आणि स्कॅम टाळण्यासाठी टेलिकॉम रेग्युलेटरी अथॉरिटी ऑफ इंडिया (TRAI) नवीन ट्रेसेबिलिटी नियम 1 डिसेंबरपासून लागू करत आहे. याअंतर्गत ओटीपी आणि कमर्शियल मेसेज सुरक्षित करण्यावर भर दिला जाणार आहे. याआधी हा नियम 1 नोव्हेंबरपासून लागू होणार होता, मात्र आता वेळ वाढवण्यात आली आहे.
- बँक 17 दिवस बंद राहणार
Bank Holidays in December: भारतीय रिझर्व्ह बँकेनुसार, डिसेंबर महिन्यात बँका 17 दिवस बंद राहणार आहेत. त्यामुळे महत्त्वाची कामे वेळेवर पूर्ण करणे आवश्यक आहे.
1 डिसेंबरपासून लागू होणारे हे बदल आपल्यावर आर्थिक आणि व्यवहारिक परिणाम करतील. त्यामुळे या नियमांशी संबंधित अद्ययावत माहिती असणे सर्वांसाठीच गरजेचे आहे.
