Latest Marathi News Today 29 July 2024: 1 ऑगस्ट 2024 पासून नियमात बदल – देशात दोन दिवसांनी म्हणजेच 1 ऑगस्ट पासून अनेक नियम बदलनार आहेत, ज्याचा परिणाम घराच्या स्वयंपाकघरापासून ते आपल्या खिशापर्यंत सर्वच गोष्टींवर दिसून येईल.
१ ऑगस्टपासून देशात अनेक मोठे बदल लागू होणार आहेत
Rule Change From 1st August 2024 : जुलै महिना संपून ऑगस्ट (ऑगस्ट 2024) सुरू होणार आहे. जुलै महिन्यातील फक्त दोन दिवस उरले आहेत आणि त्यानंतर 1 ऑगस्टपासून देशात अनेक मोठे बदल पाहायला मिळतील (Rule Change From 1st August), ज्याचा थेट परिणाम तुमच्या घराच्या स्वयंपाकघरावर सुद्धा होणार आहे. यामध्ये एलपीजी सिलिंडरच्या किंमतीपासून ते क्रेडिट कार्डच्या नियमांमधील बदलांपर्यंत सर्व गोष्टींचा समावेश आहे. 1 ऑगस्टपासून कोणते नियम बदलणार आहेत? त्या बदलांबद्दल जाणून घेऊया…
पहिला बदल
एलपीजी सिलेंडरच्या किमती बदलून नवीन बदललेल्या किमती १ ऑगस्ट २०२४ रोजी सकाळी ६ वाजल्यापासून जारी केल्या जाऊ शकतात. अलीकडेच 19 किलोच्या व्यावसायिक गॅस सिलिंडरच्या किमतीत अनेक बदल झाले. मात्र , 14 किलोच्या घरगुती गॅस सिलिंडरच्या किमतीत कोणताही बदल झालेला नाही. जुलै महिन्यातही राजधानी दिल्लीत कमर्शियल एलपीजी सिलिंडरची किंमत ३० रुपयांनी कमी झाली होती. त्यामुळेच अशा परिस्थितीत आता घरगुती सिलिंडरच्या दरात दिलासा मिळण्याची अपेक्षा आहे.
दुसरा बदल
एटीएफ आणि सीएनजी-पीएनजी दर महिन्याच्या पहिल्या दिवशी देशभरात एलपीजी सिलिंडरच्या किमतीत झालेल्या बदलाबरोबरच, तेल विपणन कंपन्या हवाई इंधनाच्या म्हणजेच एअर टर्बाइन इंधन (एटीएफ) आणि सीएनजी-च्या किमतीतही बदल करतात. सीएनजी-पीएनजी (CNG-PNG) देखील किंमती अपडेट करते. त्यांच्या नवीन किमती 1 ऑगस्ट 2024 रोजी जाहीर केल्या जाणार आहेत. यापूर्वी एप्रिल महिन्यात एटीएफच्या किमती कमी करण्यात आल्या होत्या.
तिसरा बदल
खाजगी क्षेत्रातील सर्वात मोठी बँक, HDFC बँक देखील क्रेडिट कार्ड वापरकर्त्यांसाठी बदल आणत आहे. वास्तविक, CRED, Paytm, Mobikwik, Freecharge आणि इतर ॲप्सद्वारे HDFC बँक क्रेडिट कार्डद्वारे भाडे भरले असल्यास, त्या व्यवहारावर 1% शुल्क आकारले जाईल आणि प्रति व्यवहार मर्यादा 3,000 रुपये निश्चित केली आहे. 15,000 रुपयांपेक्षा कमी व्यवहारांसाठी इंधन व्यवहारांवर कोणतेही अतिरिक्त शुल्क आकारले जाणार नाही, तथापि, 15,000 रुपयांपेक्षा जास्त व्यवहारांवर एकूण रकमेवर 1% शुल्क आकारला जाईल.
चौथा बदल
गुगल मॅप सुद्धा 1 ऑगस्ट 2024 पासून भारतात त्यांचे नियम बदलणार आहे. जो 1 ऑगस्ट पासून संपूर्ण देशात लागू होणार आहे. खरं तर, जगातील सर्वात मोठ्या सर्च इंजिनने भारतात गुगल मॅप सेवेचे शुल्क ७० टक्क्यांनी कमी करण्याची घोषणा केली आहे. याशिवाय आता गुगल आपल्या मॅप सेवेचे पेमेंट डॉलरऐवजी भारतीय रुपयांमध्ये घेणार आहे.
पाचवा बदल
13 दिवसांची बँक सुट्टी : ऑगस्ट महिन्यात बँकेशी संबंधित कोणतेही काम असल्यास, घरातून बाहेर पडण्यापूर्वी बँक चालू असल्याची खात्री करा. ऑगस्टच्या बँक हॉलिडे लिस्टनुसार, ऑगस्ट महिन्यात 13 दिवस बँकांना सुट्टी असणार आहे. रक्षाबंधन, जन्माष्टमी, स्वातंत्र्यदिन अशा विविध सणांमुळे बँकांना सुट्ट्या असतील. या सुट्ट्यांमध्ये दुसऱ्या आणि चौथ्या शनिवार आणि रविवारी येणाऱ्या साप्ताहिक सुट्ट्यांचाही समावेश आहे.
