PM Kisan 18th Installment Details: आपल्या कृषिप्रधान भारत देशात सरकारकडून शेतकऱ्यांसाठी अनेक फायदेशीर आणि कल्याणकारी योजना सुरू करण्यात आल्या आहेत. त्यातीलच केंद्राकडून राबवली जाणारी फायदेशीर योजना म्हणजे प्रधानमंत्री किसान सन्मान निधी योजना. जर तुम्ही शेतकारी असाल आणी अजूनही या योजनेचा लाभ घेत नसाल तर तुम्ही या योजनेचा लाभ अवश्य घेतला पाहिजे, आणी ही प्रक्रियाही अगदी सोपी आहे. तुम्हाला फक्त प्रधानमंत्री किसान सन्मान निधी योजनेसाठी अर्ज करावा लागेल. जे आधीपासूनच या योजनेचे लाभार्थी आहेत त्यांना पुढील म्हणजेच 18 व्या हप्त्याचा लाभ लवकरच मिळू शकतो, पण जर तुम्हाला 18 व्या हप्त्याचा लाभ मिळवायचा असेल तर तुम्हाला काही महत्वाची काम पूर्ण करावी लागतील. ही कामे वेळेत पूर्ण न केलेले शेतकरी 18 व्या हफ्त्यापासून वंचित राहू शकतात. चला तर मग जाणून घेऊयात काय आहेत ती कामे आणि शेतकऱ्यांच्या बँक खात्यात 18 वा हप्ता कधी जमा केला जाऊ शकतो… (PM Kisan Yojana 18th installment to be released soon. Ensure land records verification, eKYC, and Aadhaar linkage to your bank account to receive Rs 2000).
शेतकऱ्यांनी ही 3 कामे वेळेत पूर्ण करणे महत्त्वाचे आहे
- 1: पीएम किसान योजनेच्या लाभार्थ्यांनी सर्वप्रथम त्यांच्या जमिनीच्या नोंदींची पडताळणी करणे गरजेचे आहे जर एखाद्या शेतकऱ्याने जमिनीच्या नोंदींची पडताळणी केली नाही तर त्यांचा हप्ता अडकतो. त्यामुळे हे काम लवकरात लवकर पूर्ण करा.
- 2: तुम्ही अद्याप ई-केवायसी केली नसेल तर लवकरात लवकरच ई-केवायसी करा. तुम्ही योजनेच्या अधिकृत वेबसाइटवरून किंवा तुमच्या जवळच्या CSC केंद्रावत जाऊन देखील ई-केवायसी करू शकता.
- 3: तुमचे आधार कार्ड तुमच्या बँक खात्याशी लिंक असल्याची आणी DBT पर्याय सक्रिय असल्याची खात्री करा. नसल्यास हे काम लवकरात लवकरच करा. कोणत्याही सरकारी योजनेचे पैसे बँकेत जमा होण्यासाठी हे खूप महत्वाचे आहे.
पीएम किसान योजनेचा 18 वा हप्ता कधी येऊ शकतो?
पीएम किसान योजनेच्या लाभार्थ्यांना आतापर्यंत एकूण 17 हप्ते मिळाले आहेत. शेवटचा 17 वा हप्ता 18 जून 2024 रोजी जारी करण्यात आला होता. पीएम किसान योजनेचा प्रत्येक हप्ता 4 महिन्यांच्या अंतराने जारी केला जातो. यानुसार 18वा हप्ता जरी करण्याची वेळ ऑक्टोबरमध्ये संपत आहे. त्यामुळे ऑक्टोबरमध्ये हा हप्ता जमा होऊ शकतो, मात्र, याबाबत अद्याप कोणतीही अधिकृत घोषणा करण्यात आलेली नाही.
