PM Ujjwala Yojana 2024 Free Lpg Gas Cylinder Benefits: आजही देशातील करोडो लोक दारिद्र्यरेषेखाली जीवन जगत आहेत. गरिबीमुळे आजही शहरे तसेच खेडोपाड्यात राहणाऱ्या महिला स्वयंपाकासाठी लाकूड, शेण, कोळसा इत्यादी पारंपारिक संसाधनांचा वापर करतात. अशा पारंपारिक संसाधनांचा वापर करून स्वयंपाक केल्याने त्यातून अनेक हानिकारक वायू बाहेर पडतात. त्यामुळे महिलांना श्वसनाच्या अनेक समस्यांना सामोरे जावे लागते. (PM Ujjwala Yojana 2024: Discover eligibility criteria and benefits for free LPG gas cylinders under the scheme. Learn who qualifies for this government aid and required documents).
देशातील ही समस्या लक्षात घेऊन भारत सरकार प्रधानमंत्री उज्ज्वला योजना राबवत आहे. पंतप्रधान उज्ज्वला योजनेअंतर्गत, भारत सरकार देशातील आर्थिकदृष्ट्या दुर्बल महिलांना मोफत LPG गॅस सिलिंडरचा लाभ देत आहे. जर तुम्हालाही पंतप्रधान उज्ज्वला योजनेचा लाभ घ्यायचा असेल, तर सर्वात प्रथम तुम्हाला हे माहित असायला हवे की कोणत्या महिलांना पंतप्रधान उज्ज्वला योजनेचा लाभ मिळतो? त्याबद्दल जाणून घेऊयात…
प्रधानमंत्री उज्ज्वला योजनेचा लाभ फक्त महिलांनाच मिळतो. पुरुष या योजनेचा लाभ घेऊ शकत नाहीत. केवळ दारिद्र्यरेषेखालील महिलांनाच या योजनेचा लाभ घेता येतो.
या योजनेचा लाभ 18 वर्षे किंवा त्याहून अधिक वयाच्या महिलांनाच मिळतो. जर तुमच्याकडे आधीच एलपीजी गॅस सिलिंडर असेल तर तुम्हाला या योजनेचा लाभ मिळणार नाही.
प्रधानमंत्री उज्ज्वला योजनेचा लाभ घेण्यासाठी तुमच्याकडे बीपीएल कार्ड असणे आवश्यक आहे. याशिवाय लाभार्थी महिलेचे बँक खाते आधार कार्डशी लिंक असणे आवश्यक आहे.
जर तुम्ही प्रधानमंत्री उज्ज्वला योजनेचा लाभ घेणार असाल तर तुमच्याकडे खालील कागदपत्रे असणे आवश्यक आहे
- आधार कार्ड
- रेशन कार्ड
- बीपीएल कार्ड
- बीपीएल यादीतील नावाची प्रिंट
- पासपोर्ट आकाराचा फोटो
- बँक पासबुक झेरॉक्स
- वय प्रमाणपत्र
- मोबाईल क्रमांक
ही कागदपत्रे असणे आवश्यक आहे. जर तुमच्याकडे ही कागदपत्र नसतील तर तुम्हाला या योजनेचा लाभ मिळू शकत नाही.
