Mukhyamantri Majhi Ladki Bahin Yojana Latest News | महाराष्ट्र माझी लाडकी बहिन योजना – महाराष्ट्र सरकारने महिलांना आर्थिक पाठबल देण्यासाठी सुरू केलेल्या मुख्यमंत्री माझी लाडकी बहिन योजनेने अनेक महिलांमध्ये आत्मनिर्भरतेची नवीन उमेद निर्माण केली आहे. दरमहा १,५०० रुपयांच्या आर्थिक सहाय्यामुळे या महिलांना घर चालवण्यात आणि स्वतःचा लहान व्यवसाय सुरू करण्यात मदत होत आहे. (Discover the Majhi Ladki Bahin Yojana offering Maharashtra women financial support up to Rs 1,500 monthly. Learn about its impact on women’s empowerment and independence).
महिलांना मिळतेय आर्थिक मदत
महाराष्ट्रातील महायुती सरकारने जुलै २०२४ मध्ये सुरू केलेल्या माझी लाडकी बहिन या योजनेचा उद्देश महिलांना आर्थिक स्थैर्य प्राप्त करून देणे आहे. या योजनेअंतर्गत महाराष्ट्रातील २१ ते ६५ वयोगटातील पात्र महिलांना दरमहा १,५०० रुपयांचे आर्थिक सहाय्य देण्यात येते. सध्या या योजनेत सुमारे अडीच कोटी महिला सहभागी आहेत.
सरकारचा ४६ हजार कोटींचा ठोस निधी
विरोधकांनी या योजनेवर अनेक प्रश्न उपस्थित केले असले, तरी सरकारने माझी लाडकी बहिन योजनेसाठी ४६ हजार कोटी रुपयांचा विशेष अर्थसंकल्प तयार करून या योजनेला स्थिरता दिली आहे.
व्यवसायातून महिलांची प्रगती
मुख्यमंत्री माझी लाडकी बहिन या योजनेद्वारे मिळालेल्या आर्थिक मदतीमुळे अनेक महिलांनी छोट्या व्यवसायांत उडी घेतली आहे. काहींनी टेलरिंग व्यवसाय सुरू केला आहे, तर काहींनी वस्त्र विक्रीत नफा कमावला, तर काही महिला फुलांचे हार बनवण्याचा व्यवसाय करून चांगला नफा कमवत आहेत.
